COAGLUGO

Posibilidade de descarga automática da documentación técnica para tramitacións no Concello de Lugo

En virtude do convenio asinado co Concello de Lugo para a tramitación telemática das licenzas urbanísticas a través da plataforma dixital do COAG, atópase activa a posibilidade de que o Concello descargue automaticamente a documentación técnica visada ou rexistrada no COAG e vinculada á tramitación de licenzas e outras tramitacións urbanísticas na cidade. 

Así, ao igual que sucede no Concello de Vigo, basta que os arquitectos redactores autoricen a descarga e proporcionen ao promotor o código de expediente e traballo(s), para que este o indique na solicitude. A partires dese momento, o Concello poderá descargar a documentación técnica desde o COAG, sendo informados os redactores no momento no que esta descarga se produza.

A autorización da descarga polos arquitectos pode establecerse no COAGEstudio para cada traballo (estructura documental -> pinchar no traballo -> ficha do traballo -> activar a opción “enviar á administración unha vez visado”), ou por defecto para todos os traballos que se tramiten en diante (Administración -> Valores de configuración -> Activar Envío á Administración do Traballo).

Tamén pode facerse esta autorización a través da web do COAG (Panel de servizos -> visado e asesoramento técnico -> consulta web de expedientes -> ficha do traballo -> envío á administración).

Está prevista a activación deste servizo proximamente no Concello de Pontevedra. Así mesmo, en virtude do convenio de interoperabilidade asinado coa Xunta de Galicia, estenderase este mecanismo para a tramitación nos concellos e outras AAPP galegas implicadas.