Colexio oficial de arquitectos de Galicia - Delegación Lugo

COAGLUGO

25/09/2012 | Noticias

DMA 2012. REXISTRO DO.CO,MO.MO. MOVEMENTO MODERNO EN LUGO: EDIFICIO EN SANTO DOMINGO

O inventario do Movemento Moderno na nosa provincia inclúe este "Edificio en Santo Domingo" de Eloy Maquieira.


Edificio en Santo Domingo

Autor: Eloy Maquieira Fernández

Ano: 1938

Dirección: Rúa Quiroga Ballesteros 22. CP: 27001. Municipio: Lugo

Memoria

Eloy Maquieira non só era un dos tres únicos arquitectos galegos que recibía regularmente a revista AC, senón que ademais contaba, posiblemente, coa mellor biblioteca de arquitectura moderna de Galicia. Nela figuraban, entre outros títulos, Vers une Architecture de Le Corbusier e unha monografía sobre Erich Mendelson. Sería precisamente o edificio Santo Domingo, o que se relaciona de forma máis directa coa corrente expresionista alemá representada por este último.

Mediante o tratamento das fachadas como unha serie de bandas onduladas superpostas, dos efectos de claroscuro que entre elas se xeran e da formalización dos ocos, o seu autor logra unha moderna sensación de movemento. A disposición dos piares de formigón organiza dun modo moi pragmático a planta en dúas bandas horizontais: a máis estreita e ligada á parede medianeira aloxa cuartos rochos e dependencias secundarias, na outra franxa dispóñense as pezas principais.

Celestino García Braña


DMA 2012. REXISTRO DO.CO,MO.MO. MOVEMENTO MODERNO EN LUGO: EDIFICIO EN SANTO DOMINGO


No caso que aprecieis erros ou puiderades achegar novos datos ou imaxes de interese pregámosvos remitádelas á conta: secretario.lugo@colexiodearquitectos.org ou mediante o apartado de comentarios incluído nesta páxina.

Agradecémosvolo e, con sumo interese incorporarémolas á presente entrada.

Comentarios

Ainda non existen comentarios para esta nova. Crea o primeiro completando o seguinte formulario.

* Todos os comentarios serán moderados antes da súa publicación.

Enviouse o comentario correctamente. Todos os comentarios son moderados antes de ser publicados. Grazas.

Enviar un novo comentario