COAGLUGO

Convocado o VIII Concurso Aula Cerámica Hispalyt

Proxecto: Espazo de meditación no cemiterio oriental de Malmö (Suecia)

Categoría: Fachadas cerámicas

Curso académico: 2012 / 2013

Este Concurso está promovido por Hispalyt (Asociación Española de Fabricantes de Ladrillos e Texas de Arcilla Cocida) a través da Aula Universitaria Cerámica Hispalyt, creada tras a firma dun convenio de colaboración coa Universidade Politécnica de Madrid, co obxectivo de fomentar actividades e iniciativas docentes que sirvan para fortalecer a presenza dos materiais cerámicos, integrándoos no proxecto arquitectónico.

Neste SEGUNDO CUADRIMESTRE do curso 2012/2013 a Aula Cerámica Hispalyt convoca un concurso na categoría de Fachadas Cerámicas, para o deseño dun proxecto consistente no desenvolvemento dun espazo de meditación no cemiterio oriental de Malmö en Suecia.

O cemiterio oriental e Malmö é unha das obras máis importante de Sigurd Lewerentz, que abrangueu varias décadas do seu traballo. Lewerentz é o arquitecto que mellor representa a reivindicación polo anonimato consecuente. Ao igual que outros grandes arquitectos da primeira xeración "moderna", Lewerentz defendeu a interpretación da súa profesión como un traballo artesán, ben feito e dunha expresividade profunda. Preténdese nesta convocatoria do Concurso Aula Cerámica Hispalyt, apelar a esta reflexión sobre a arquitectura, tan necesitada sempre do bo criterio dos profesionais que a practican.

Formúlase a localización dun edificio pechado e cuberto, de non máis de 75 metros cadrados de planta construída. Deberase habilitar un vestíbulo-gardarroupa para pezas e calzado de abrigo. Non se determinan máis indicacións sobre o seu uso que deberá ser consecuente co lugar onde se sitúa, destinarse á reflexión e meditación, e intentar estar en harmonía co resto de intervencións construídas no cemiterio.

Na intervención utilizarase o ladrillo e os materiais cerámicos como material principal, debendo buscarse a integración co conxunto. A combinación con outros materiais (formigón, pedra, etc.), xustificaranse de acordo aos condicionamentos do ámbito

No concurso poderán participar alumnos matriculados, como mínimo en terceiro curso académico de todas as Escolas de España, ou de calquera facultade ou escola do mundo, debendo xustificar axeitadamente esta condición, mediante correspondente impreso de matriculación. O concurso tamén está aberto a arquitectos superiores que obtivesen a súa titulación nos dous últimos anos (dende o 1 de xaneiro de 2011 ata o 22 de febreiro de 2013) co título de Arquitecto ou Máster, onde se implantase o plan Bolonia.

A data límite para presentar a inscrición será o 9 de abril de 2013, e a data límite de presentación dos proxectos será o 11 de xuño de 2013.

A dotación dos premios será a seguinte: Primeiro premio: 4.000 € Segundo premio: 2.000 € Tres accésits: 800 €

VIII Concurso Aula Cerámica Hispalyt